الي ان نلتقي – قسم خالد – مصعب … الحيطة القصيرة ..! 22 يونيو 2016

0
1241 views

 

الاجدى لاهل المريخ السعي من الان لترميم صفوف فريقهم بدلا من مهاجمة حكم نيالا الذي ادار المباراة بامتياز .. الاجدى لهم ان يسعوا من الان لايجاد بدائل تعين الفريق مستقبل أيامه بدلا من مهاجمة وتحميل مصعب عمر مسئولية الخسارة امام السيد الهلال .. يا جماعة مصعب عمر يعمل ليكم شنو دي قدرتو ودي كورتو .. غير كدا مصعب المغضوب عليه واجه ساحر اسمه (شيبولا) يعمل شنو مع الساحر … طيب جيش المدربين القاعد بره دا اشركو في المباراة ليه مش هو الأفضل بينكم اللاعبين في هذه الخانة ؟؟

اعترفوا بتفوق الهلال .. سيبكم من موضوع مصعب لان الرجل مسكين يعمل شنو مع مهارات عالية زي بتاعت شيبولا دي .. خليكم من شيبولا .. شفتو سادومبا … خزن … مرر … سجل .. وعمل أي حاجة في كرة القدم .. المباراة أوضحت بجلاء كبير الفرق بين مهارات نجوم الهلال وبين تواضع إمكانات نجوم الأحمر .. قلنا ونعيدها الان ونكرر مهارات نجوم الهلال دي الا تجيبوا ليها لاعبين أصحاب مهارات عالية لكن السؤال عندكم الإمكانات البتجيب اللاعبين الكبار ؟؟ لا اعتقد !

مصعب مسكين والله … مصعب مغضوب عليه من أيام ونسي عندما اطلق تصريحه الأشهر (ما بلعب كورة بالمجان) هسي عليكم الله زول محترف دايرن تلعبوهو (ملح) معقول بس خلقو عندكم إحساس شوية مع الظروف الصعبة دي الراجل دا قال ليكم ما عندي قروش وما بقدر العب الا تدوهو قروشو وعشان اديتهو قرشو انتو زعلانين منو نظام عايزين (تزلهو وكدا) !

خليكم من مصعب موضوع شيبون عملتو فيهو حاجة ولا فصاحة سااااكت منكم .. اها الهلال اشرك شيبوب في اخر الدقايق يعني نظام ثقة من موقفو القانوني … ونحنا اسياد القانون .. عندنا عماد الطيب كلامو كلو بالقانون .. ما بعرف غير القانون .. اها انتو عندكم منو ؟؟ متوكل .. متوكل دا يا جماعة علاقتو بالقانون زي علاقتي كدا باللغة الروسية قاعد (يهرش ) بس كلام انشاء يعني لا بودي لا بجيب بعنب الجريدة العندها مساحة فاضية يمكن يضربوا لي متوكل ويقولو ليهو عايزين نسخن المباراة يقوم متوكل يصرح ليها زي تصريحاتو في شيبوب

خليكم من متوكل تعالوا لي عبدالله حسن عيسي دا برضوا عامل فيها بتاع قانون .. اها الهلال اشرك شيبوب عملتو شنو اشتكيتو ولا اقتنعتو انو مافي فائدة من الشكوى !

شابكننا الفيفا ومحكمة كاس تقول انتو أعضاء في الفيفا وعارفين القوانين .. كدى هسي خليكم من الفيفا وشوفو مشاكل فريقكم في الأول .. فريقكم الشفناهو عشية القمة دا والله عايز ليهو فريق تاني … فريق كامل في كافة الخطوط اول حاجة شوفو الطرف الايسر .. شوفو موضوع معصب عمر .. اقوليكم شوفو موضوع عطرون .. عليكم الله هسي فريق المهاجمين فيهو بكري المدينة وعنكبة ممكن يغلب  ليكم  (الكراكسة) خليهو  يغلب ليكم السيد الهلال .. والله انتو بتضحكو علي جماهيركم ساااااااكت !

أخيرا أخيرا ..!

موضوع الدوري دا خلاص انسو موضوعو شوفو ليكم (سيكافا) من هسي عشان بعدين الكرادينال ما يقفل عيكم السكة يقوم الهلال يفوز بالدوري وتطلع في راسو ان الهلال ينظم سيكافا يعني لا تلقوا الدوري لا سيكافا .. اقوليكم شوفو احسن من هسي تشوفو تشوفو (دورة القرية) والله خائف انو اللجنة المنظمة بتاعت دورة القرية ترفض اشراككم فيها لضعف المستوى !

انتصار وحققناهو … دوري وتصدرناهو … استقرار فني وادري شبعانين فيهو .. اقطابنا التفو حول الفريق … ح نعيد فرحانين .. مش السيد الرئيس قال ح يكون العيد عيدين .. كلام ريسنا والله أصلا ما بنوقعو واطة البقولو كلو بنعلمو ليهو نجي للمشكلة بين الوزير والاتحاد … الوزير عايز يقول للناس انا موجود … فاجأة كدا قال لازم يأجل الانتخابات عشان الناس تعرف انو في وزير لوازرة اسمها وزارة الرياضة .. قام طلع قرار اجل انتخابات الاتحاد السوداني لكرة القدم لحدي هنا والامر عادي جدا …!

أخيرا جدا ..!

من حقو كوزير للرياضة  يصدر ما يشاء من قرارات .. هو القرارات بي قروش لكن نسالو سؤال واحد بس .. انت قدمت للرياضة شنو عشان تصدر قرارات ؟؟؟

الجمعية العمومية يا سيادة الوزير ح تقوم في التاريخ المحدد 30 يونيو لانو ناس اسامه ومجدي مستندين علي قانون دولى ما قانون لسا ما ما معروف تتم اجازتو ولا لا … ولحدي ما تتم إجازة القانون في منظمة اسمها جمهورية (الفيفا) دي مافي حكومة ولا شخص عندو عليها كلمة .. ح يجي ممثل الفيفا وح تنعقد الانتخابات وح يفوزو ناس التطوير الانت ما عايزهم ديل بعد ما يفوزو العايز تعلموا اعملو

اذهبوا فانتم الطلقاء

NO COMMENTS

LEAVE A REPLY