دق الدلجة – محمد عبد الماجد – حقنا في بكري المدينة والغربال بنخلصو (برد) 3 ديسمبر 2016

0
475
محمد عبد الماجد دق الدلجة

 من رأسي :

الرغيفة بقت صغيرة شديد..

الواحد بقى لمن يشتري ليه رغيف وطعمية ..بيحشي (الرغيفة) في (الطعمية).

 من كراسي :

حظو كعب شديد…

مشى البحر عشان يصيد ليه (سمكة) ، رمى سنارتو – السنارة مسكت ، جبد السنارة ، طلعت ليه (حلة عدس).

  • زمان نحن وقت كنا بنمشي لينا حفلة (لفحي) ساكت ، وما معزومين ليها كانوا بفكونا ليك في (البرد) ، ويفتحوا لينا (المراوح).
  • حفلات زمان كان فيها (برد) عجيب.
  • بيلفحنا ليك جنس برد.
  • الواحد فينا يخش الحفلة قاطع ليه 12 علبة فازلين  و7 علب جلسرين…ويطلع منها اغبش.
  • غباشة البرد ..بتخلي الزول زي (البشارة) البيسمحوا بيها الطابشير.
  • (ود اللمين) في الحفلة من البرد تشوفو (عقد الجلاد).
  • صحن الكوكتيل وقت يجبوه ليك في العشاء تشوفو زي (الصفرة).
  • زي صينية الغداء.
  • البارد والشاي واحد في الحفلة.
  • الاتنين متلجات.
  • كان بطقنا ليك في الحفلة (برد) ، بخلينا ليك متل الساعة الما فيها (شوكات).
  • نرجف زي (البصلة).
  • هم بقولوا زي (القصبة) لكن انا عملتها ليكم (بصلة).
  • الاغنية البتكون شغالة في الحفلة (كدا كدا يا ترله) ونحن بنكون بنسمع فيها (الحزن النبيل).
  • هسع ناس المريخ سافروا (تركيا) في برد – نحن في مسلسلاتهم التركية ما قاعدين نستحلمو.
  • برد عجيب.
  • تلج.
  • جليد.
  • ح ترجعوا لينا بي التهابات شديدة.
  • ح تعملوا ازمة بطاطين في تركيا.
  • و
  • (ونحن عايشين والحمدلله، (النفس) بينزل ويطلع إلى الآن ..ولاينقصنا شيء سو ى رؤياكم الغالية).
  • و (دروووري ضروووري تروووري) تجونا في الاجازة الكبيرة!!.
  •  
  • عجبني ليهم المريخاب.
  • قالوا ليك ناس المريخ مشوا معسكر تركيا لقوا ليك درجة الحرارة 3 درجات مئوية ، بفارق من الخرطوم يصل الى اكثر من ثلاثين درجة.
  • هم ناس علي جعفر – بردنا الشوية دي قاعد يقطع ليهم رأسهم.
  • الواحد فيهم تلقاه لابس ليه 15 فانلة سقط.
  • ضفر في تركيا قالوا يطلع من بطانية ويخش في بطانية.
  • العملها البرد في ضفر – سادومبا ما عملها فيه.
  • ضفر قالوا قال ليهم لو عارف البرد كدا – ما كان خليت لي سويتر في الحلة.
  • في السودان خسارة سيوترات ساكت.
  • ولا في داعي للسيوترات.
  • والله – ربنا شافك يا عمر بخيت.
  • الله مرقك يا اكرا.
  • حظك سمح يا مصعب عمر.
  • الله بريدك يا جابسون.
  • انت محظوظ يا ابراهومة.
  • معسكر في منطقة درجة الحرارة فيها 3 درجات مئوية ، دا معسكر يعملوا بيه شنو؟.
  • معسكركم دا (السمك) ما بقعد فيه.
  • ناس الديش ما بعملوا عمليتكم دي.
  • تستاهل يا محمد عبدالرحمن.
  • عجبنا ليك.
  • ما اظن في عقوبة اكتر من كدا يمكن ان يتعرض لها محمد عبدالرحمن.
  • حقنا في بكري المدينة بيخلصو لينا (البرد).
  • لا اتحاد عام.
  • ولا فيفا.
  • حقنا بنشيلو (برد) ساكت.
  • قالوا ليك ناس الصاوي السماني يرجفوا زي (القصب).
  • السماني قالوا قال ليهم لو عارف الموضوع كدا – كان اتسجلت في الامل عطبرة.
  • حقار الموضوع جديد عليه طبعا.
  • اول ما نزل في تركيا ..البرد فتح ليك فيه.
  • حقار اليوم الاول ما قال شيء.
  • اليوم التاني ما قال شيء.
  • اليوم الثالث ..حقار قالوا قال هسع البرد دا ناس مهند ونور قاعدين فيه كيف؟.
  • نحن ساهلين.
  • نور بتستحمل البرد دا كيف؟.
  • و
  • (ونحن عايشين والحمدلله، (النفس) بينزل ويطلع إلى الآن ..ولاينقصنا شيءسوى رؤياكم الغالية).
  • و (دروووري ضروووري تروووري) تجونا في الاجازة الكبيرة!!.
  •  
  • عاوز اسأل.
  • عاوز اعرف.
  • دا منو العبقري الخلى المريخ يعسكر في تركيا في البرد دا؟.
  • دا يا طابور خامس.
  • يا زول هلالابي.
  • الموسم الماضي طلعتوا لا دوري.
  • ولا كاس.
  • ولا ابوستة.
  • الموسم دا نفخكم برد ، ما برد نصاح.
  • درجة الحرارة 3 درجات مئوية فقط.
  • الصحفيين عرفوا ليك الموضوع.
  • الصحفيين رفضوا السفر مع البعثة.
  • قالوا ليك المجلس منع الصحفيين من مرافقة البعثة.
  • والصحفيين في برد زي دا ما بسافروا.
  • ولا بجازفوا.
  • الصحفيين بتاعين المريخ (برد) الخرطوم 2 قاعد يجهجهم.
  • عاوزنهم يمشوا لي منطقة درجة الحرارة فيها 3 درجات فقط.
  • برد تركيا دا ..قالوا ليك مدرب المريخ الالماني قال ليهم ما تصحوني قبل عشرة.
  • دا ما برد يقوموا فيه من الصباح.
  • وكان لي فاروق جبرة ..قالوا ليك بدون ما ينفخ على الصفارة ..صوت الصفارة بيطلع.
  • بكري المدينة جلحاتو زادت.
  • وعلي جعفر قالوا طلب الاعارة الى مريخ الفاشر.
  • يا جماعة.
  • يا عالم.
  • ما في زول بعسكر ليه في منطقة درجة الحرارة فيها 3 درجات.
  • هو عليكم الله لو البرد ما شديد – ناس مزمل ابوالقاسم كانوا بيقعدوا.
  • ناس مزمل ذاتهم كانوا بسافروا.
  • فكيتوا البرد في ناس محمد عبدالرحمن وبكري المدينة والسماني ..وعاوزنهم يعملوا ليكم فايدة.
  • غايتو ناس المريخ في الدورة الاولى نقطة ما بكسبوها.
  • ديل فرحانين ساكت.
  • فرحانين بي البدل.
  • السماني بالبدلة تقول عضو في فرقة جاز.
  • بالمناسبة معسكر تركيا ما بنفع مع محمد عبدالرحمن.
  • اصابات محمد عبدالرحمن كلها ح تظهر في البرد.
  • الغربال تمرين واحد ما ح يتمرنو مع المريخ في تركيا.
  • هو الناس النصاح ..ما بقدروا يلعبوا ليكم في البرد دا – عاوزين محمد عبدالرحمن يلعب ليكم تحت درجة حرارة لا تتجاوز الـ 3 درجات.
  • محمد عبدالرحمن في درجة حرارة تصل الى اربعين درجة ..(كورنر) ما بتطلع منو؟.
  • راجيين منو شنو في درجة حرارة لا تتجاوز الـ (3) درجات مئوية؟.
  • البشوف البدل والكرفتات يقولوا القبة تحتها (بطل).
  • القبة تحتها (وصيف).
  • وصيف في الممتاز.
  • وصافة كاس السودان ذاتو ما لموا فيها.
  • البدل على شنو؟.
  • الكرفتات في شنو؟.
  • الحاجات البعملها الهلال قبل سنوات بتعملوها انتوا الآن.
  • عليكم الله هسع حركة البدل والكرفتات دي ما شفتوها عند ناس الهلال.
  • ناس الهلال بعملوها فوق عدلهم.
  • وهم ابطال.
  • دوري وكاس.
  • انتوا على شنو؟.
  • بعدين حقار دا ما لقيتوا ليه بدلة قدرو وإلّا شنو؟.
  • كل واحد لابس ليه (بدلة) ما حقتو.
  • بدلة اكبر منو.
  • زي كأنهم في حفلة تنكرية.
  • عاشور الادهم بالبدلة بقى زي ايهاب توفيق.
  • الزول دا راجيين منو شنو في السن دا؟.
  • تتصوروا بي بدلهم ..هلال الابيض ضربهم خمسة.
  • واهلي شندي عمل ليهم كبري.
  • بي بدلهم دي ح يلعبوا تمهيدي في الابطال.
  • وح ينضربوا من هلال الابيض جوة وبرة.
  • ومن سيد البلد.
  • ومن الاهلي شندي.
  • والامل.
  • ومريخ نيالا.
  • والخرطوم الوطني.
  • بدل في الفارغة ساكت.
  • حقار تقول عاوز يقدم النشرة الجوية.
  • و
  •  (ونحن عايشين والحمدلله، (النفس) بينزل ويطلع إلى الآن ..ولاينقصنا شيء سوى رؤياكم الغالية).
  • و (دروووري ضروووري تروووري) تجونا في الاجازة الكبيرة!!.
  • ………………

     و

  • الحمدلله معسكر الهلال في القاهرة في اجواء عادية.
  • ما في فرق كبير من الاجواء هنا.
  • اقنعوني انو ناس المريخ ديل في تركيا ممكن يعملوا ليهم تمارين سباحة.
  • او ممكن يطلعوا ساكت من غرفهم.
  • قالوا ليك علي جعفر قاعد في الغرفة بفتش في مفتاح المكيّف.
  • قدر ما حاولوا يقنعوه انو (الجو) دا طبيعي كدا من غير مكيّف ..ما اقتنع ليهم.
  • اجمل ما في الجهاز الفني للهلال انه ضم مدرب احمال غاني.
  • واكرا الفرحة عاوز تشقو.
  • اكرا عملها ظاهرة.
  • سعادة مبالغ فيها.
  • …………..
  • السيدة (ل) –نزلت لي رصيد في تلفوني – بدون ما اشعر نزل في تلفونك.

  • وقرّط على كدا.

ترك الرد